خايف عليها من الثرا غطاها
ولا الحصا حافي اخاف ابداها
اكرم عليها بالكفن يا مطوع
بالبيت ظل افراشها وغطاها
اكرم عليها بالكفن هذي امي
وشهد عليها بما عطف يمناها
هذا الضحى والليل يتحرونه
هذا السما والنجوم ينعاها
هذي السوالف مثلنا تبكيها
ولا تستنشد عن اثر خطاها
هذي الكبيره كبر هالدنيا
هذي العظيمه جل من سواها
ابكي عليها مو نهار وليله
ولا سنة تمشي وعد قضاها
ابكر عليها كثر ما شالتني
وكثر الحنين الي ختلط بغناها
وكثر الاسامي وكثر من سموها
وكثر نجوم وكثر من يرعاها
ابكي عليها من القهر يا دنيا
من الي انا من الي عقب فرقاها
من فتحت عيني ولا خلتني
شوفو ولدها بالقبر خلاها
هل التراب بوجها ما قصر
شفتو ولدها كيف جازاها
لونها مكاني .. ما سوتها
لاكن اعز عيالها سواها
يالدود شفها ذابله جنبها
انا ولدها وحاضر وفداها
قطعني هاك الي تبي من جسمي
بس الكريمه لا تجي بحداها
واوصيك امانه ... قلها تعذرني
ويكفي تروح اتحبلي ماطاها
ابيها تغفرلي مثل ما كانت
في الخمره مني بطيبي ترفاها
يالله عساها في النعيم الخالد
وعساها في جنت عدن سكناها
يا فضا هذا الكون ياهو خالي
يا ضيق هذي الدنيا يا مقساها
يا مر طعم فراقها يا مره
ماني مصدق ارجع وملقاها
وشلون اجي غرفتها وماهي فيها
وش عذري لسبحتها ومصلاها
شو اقول انا لدولابها وشنطتها
وذا سالني مشطها وحناها
وعباتها ومي زمزم ومصحفها
والمبخره ورشوشها ودواها
الكل في غرفتها متفقدها
حتى الباب مسكر ويرداها
الكل يبكيها ماهو ناسيها
يالله صبرني شلون انساها
يا ريتها ما راحت وخلتني
او وسعتلي بالقبر وياها
سلامتكم